Hai uns días publicamos na canle de Fununcan en YouTube un videoclip do tema ‘Non son quen’, tamén coñecido como ‘A Nogueira’, incluído na maqueta Fununcan 2011. O vídeo levaba un par de anos gravado e editado, mais non o publicamos até agora.

Ademais, o 23 de agosto tocamos no XIV Fornos Rock (Oleiros) un festival privado que organiza Rubén, ao que lle estamos moi agradecidos polo convite. Canda Fununcan tamén tocaron Black Age e Now I am. Foi unha noite marabillosa.
fornos-rock1

fornos-rock2

Este ano repetimos no Festival Mil e Pico Troulas de Carral, volveremos tocar alí o próximo 13 de xuño. A partir das 20:00 no campo da feira de Carral, xunta Bento Veloso y Los Doce Trinches, Los Solfabirras, Los Rompecabezas, The Fulans e Skarallaos.

milepicotroulas

En maio a revista de música finesa Soundi publicou na súa edición online un artigo sobre os temas que traducimos do finés ao galego para celebrar o día das letras galegas.

Soundi

 

Tamén falaron de Fununcan en Under Rant Casey Influence, un blog persoal moi interesante con recomendacións artísticas diarias, entre elas a do disco Fununcan 2013: “… un traballo en galego de rock-folklore-metalizado tocado moi jazz e coa experimentación sempre por diante.” :) O artigo completo, aquí.

UnderRantCaseyInfluence

fununcan-letras2014En Fununcan volvemos celebrar o día das letras galegas versionando temas e traducíndoos ao galego, desta volta son tres cancións de grupos fineses ou escritas en finés: Kapytemppeli, da banda de Oulu (Finlandia) Tuomas Henrikin Jeesuksen Kristuksen Bändi; Tina Vieri, un tema tradicional da Carelia gravado polo conxunto sueco Hedningarna e Rakkaudesta, do grupo finés Sielun Veljet.

Coa colaboración de Álex Charlón (voz en Rakkaudesta), Iván Guanchankein (guitarra en Rakkaudesta), Miguel de Bordel (voces en Rakkaudesta e Kapytemppeli), Débora (pandeireta en Tina Vieri), David Paz (saxo e whistle) e Tuuli Jartti e Jouni Haapakoski (tradución).

Kapytemppeli (Tuomas Henrikin Jeesuksen Kristuksen Bändi)


Tina Vieri (Hedningarna).


Rakkaudesta (Sielun Veljet).

Os tres temas están colgados en YouTube e pódense descargar desde a sección ‘música’.

Créditos